Shillong: Ka District Magistrate, East Khasi Hills District haka hukum wa pynmih ko ynne ka sngi ka 24 tarik, da phah ko ya waroh ki Contractor wa pynkreh hapoh ka East Khasi Hills wow pyntikna ki wa waroh ki wakreh mylla yong ki wow neh bait ki hapoh ki thaw wakreh ki khlem pep.
Heiyatoh won waka hukum wa pynmih hapoh ka Section 144 Cr.PC da pyntip wa ka Directorate of Dairy Development Government of Meghalaya u lait ko na kani ka hukum kawa krehkaam nadooh 10:00PM ka 23rd March hadooh 5:00 A.M. ka 26th March, 2020.
Kani ka jooh ka hukum ym krehkaam ko ya ki Security Forces, ki Medical Team wa em Duty, ki dukan Pharmacy wa waroh ki wakreh Health Services, MeECL, Public Health Engineering, Public Works Department, Police & Armed Forces, Fire & Emergency Services, Food & Civil Supplies Department, Shillong Municipal Board, Telecom, Telegraph & IT Services, Banks & ATMs. I lai i wan ki kari wa kit yaki mar wa emkaam (Essential Commodities), yaki Security Forces, kiwa kit LPG Cylinders, Online Delivery Services, Courier Services, Online Food Take-out, kiwa kit Medical Equipment, ki kari wa kit kot khubor kamjooh ya ki wakreh khubor (Print and Electronic Media) u lait ki na kani ka hukum.
Ka Deputy Commissioner, East Khasi Hills District da pynkynmoo ko leh wa ya ki bru kiwa lai wa wan cha baar jylla, baar ri ha kini ki bnai wow pyntip ki ya ini cha ki yung krehkaam ka Deputy Commissioner ya ki thaw wa da lai ki.
Ya ini ye leh u leh deiwa phone ha u 108 Helpline lane Deputy Commissioner’s Office Control Room 0364-2502094/2225289 kamjooh leh deiwa leh yaka Online Registration System wa booh daka sorkar ha http://meghalayaonline.gov.in/covid.
Discussion about this post