Ynne ka sngi wa da sdang krehkaam ka Lockdown namo i khang ya ki sarok wa ki dukan dukdoh da man i iwa jop ha ri-loom Jaiñtia.
Da sakhi wa ki sarok da man ki kiwa thylli heiwa da lait du ki kari kit wakjut namo ki ambulance, ki kari ki wakreh sorkar, wa ki kari kit mar baam.
Ki dukan dukdoh da man ki kiwa khang lait noh ki petrol pump wa ki dukan dai dawai.
Da em ki thaw ha u sarokbah da sakhi yei khang yei lai i wan ki kari ki bru samen heiwa da phah liwan noh ya ki kamjooh leh ki kattu katni ki bru wa uiñ cha yaaw.
Neiliang u DC ka West Jaiñtia Hills, u Garod LNS Dykes da pyntip u wa i khang (Lockdown) da man i iwa lai bait, lai ryntih katkam ki kyndon wa da booh ka sorkar.
Heijooh i por ynne ka sngi ki pulit da hiar ki cha thaw uiñke kam cha Syntuksiar wow kyntu ya ki bru wa khwe wow dam u em chirup wei wow jngai iwi na iwi, kamjooh wow pyntikna wa ym em wa tyngkheiñ ya ka kyndon 144 CrPC.
Discussion about this post