Jowai: Kam chibynta u pynche pynsniawthooh hei iatoh wa ka Swachh Bharat Abhiyan ha ki khynnah skur, ynne ka sngi ka Seiñ Raij Higher Secondary School da pynman ko da ka ‘Quiz competition on Sanitation’.
Ha kani ka quiz da em 8 tylli ki kynhun ki wa em mar ar ngut chi kynhun. Da pyllai ia kani ka quiz da u ma Moni Yanglem waka kong Finland Passah.
Ki khynnah ka skur da jubab ki ia ki jingkylli ha ki le kylla kitæ toh ha i iatoh waka Swachh Bharat Abhiyan, ka wa ar hei iatoh wa i chait i khiah i khooid i jngiar næ Health & Hygiene kawa le won ka Health & Diseases næ i cheit wa ki kjut.
Hadien kini ki le tylli ki kylla da mih kam kiwa jop dei wa ioh 85 point u Fernando Pohkyrnu wa u Sanki-O Laloo, bood wa ar da ka kynhun u Hashwamiki Rangad wa u Damebiang Synremki wa ioh 55 point. Katwa ia i kyrdan wa le won da ioh da u Heibormitre Paswet wa ka Daiarisa Passah ki wa da ioh 50 point.
Ki wa jop da ioh ki ia ki trophies wa ki certificate.
Kiwa bichar ha kani ka quiz competition toh ki nongsikai kani ka skur ka kong Rikdup Thma, u ma Cheini Niangti wa u Sambha Bareh.
Discussion about this post