Jowai: Ynne ka sngi ka Demthring SC da jop ko ia ka Loompyrtuh Mihmyntdu SC da yndru kool. Haka kylla step u Kyrkhu Ryngkhlem nombar 7 da ioh u pynkhih ia ka jar ha ka minit kawa 14, hadien ini ka iakhun da man ko kawa iathaiñ.
Haka kylla miet won ka ialehke da man ko kawa jem chiliang, heiwa ka Demthriñ ioh ko u ban sa 5 kol, han la kattæ leh ka ialehke man hi ko kawa yoosuk. Haka minit kawa 54 waka 75 u Eme-oo Ryngkhlem nombar 17 iong ka Demthring Sc da ioh u pynkhih ia ka jar katwa haka minit kawa 66 waka 78 u Kyrkhu Ryngklem nombar 7 da ioh biang u u pynkhih ia ka jar, katwa u Hownidajied Shadap nombar 19 won da ioh u u pynkhih jar haka minit ka 71. Ki nongialehke iong ka Demthring SC da man ki kiwa khlan weiwa iosuk bha u peit yei ialehke iong ki. Ki Lumpyrtuh Mihmyntdu SC leh man ki kiwa biang hi hei ialehke iong ki, katwa ha ka kylla miet won da man ki ki wa duh lyer (stamina) ha ka iakhun.
Ynne ka sngi ym ioh u sdang heipor neidaw wa at lyer ka madan. Hadien wa ki nongpyllai ka WJDSA da dung pynpai ki ya ka madan tæ hoi won u ialehke.
Ka 3rd dividion iong ynne ka sngi, ka Samatan da jop ko ia Lumpyrdi Mihmyntdu du chi kol donhi.
Mynstep ka sngi won ka Ladthadlaboh daw iakhun pyrchah ko iaka Riatsaliya SC heipor 3:30 jenmiet iong ka 1st division. ka khliehmyntdu Neinshnong u iakhun pyrchah ko ia ka Chaphrang Iong I Barato heipor 1:30 i jenmiet iong ka 3rd division.
Discussion about this post