Shillong: U Symbood Montri Rangbah ka jylla, u Prestone Tynsong da pyntip u wa da em palat 3000 ngut kiwa chong chnong kiwa da liwan cha ka jylla hadien i poor yong ka khlam COVID-19, wei ya ini, ka chnat i chait i khiah da paitbniah ko wa ym em iwon iwon i ktah ya i chait i khiah wei da phah ya ki wym toh u yakhleh ki wa kiwi (Quarantine).
Da pyntip u wa neibynta kitu kiwa chong chnong kiwa em ya ki yung kiwa khian næ khynnia, ka sorkar da pynkhreh ko ya le tylli ki thaw wa kyrpang wow chong, kawi ha Ayush Hospital Shillong, ka yung yong ka TB Hospital ha Umsawli wa kawi ha Civil Hospital Shillong. Da ong wa kitu kiwa chong chnong kiwa yachem yei eh, ye ki wow pyntip khnang wow ye wow pynyait chwa chipor pyn da ki yaki hi yow lait na iwon iwon i ma.
Hawa kylli u Symbood Montri Rangbah da ong u wa ka Meghalaya dang em ko ha ka Stage-0 hawa yatoh wa u COVID-19 neibhah hadooh kattæ uni u khñiang kjut ym pu em poi u, tangwa da pyntip wa ka jylla em ko 4 tylli ki Ventilator wei dang thied biang sa 30 tylli kam wow pynkhreh wow yakhun ya uni u khñiang.
Discussion about this post