U Prince Charles, u khon waheh dooh ka Queen Elizabeth II wei u wow ku khet leh yaka Britain da yoh u ya u khñiang COVID-19, da pyntip ka Buckingham Palace ynne ka 25 tarik wei da em u ki dak ki chin wym em joor iwa da sdang yoh u nadooh wa kut ka tayaw wa dep.
Da pyntip wa u Charles man u uwa chait wei ym em yooluti ki wa daw ware u katkam wa pyntip da ki heh ka Buckingham Palace. U Charles, uwa em katni 71 snem da yachem u waka Queen Elizabeth haka March 12 du chi sngi chwa wow suba wa yoh u ya uni u khñiang.
Ini i yoh u Prince Charles ya uni u khñiang da pynkuslai ko leh ya kiwa ki dkhot ka yung syiem heiwa hapoh Britain da ku kiwa yoh ya uni u khñiang kamjooh kiwa yap ha kini ki sngi wa dep iwa da pynbor ya u Prime Minister Boris Johnson wow sdang u khang yaka ri.
Ka Buckingham Palace da pyntip ko wa ka Queen Elizabeth kawa daw dap 94 snem ha uni bnai wow wan man ko kawa chait kamjooh u kurim ko u Prince Philip, uwa 98 snem.
Discussion about this post