Ka yutip bniah ya i e yarap ka sorkar ya kiwa khih mylla wa dooh u lai kreh

U Deputy Labour Commissioner ka West Jaiñtia Hills District da pyntip u wa heiyatoh wa i pynbna ka sorkar Meghalaya wow yarap poisa ya kiwa khih mylla kiwa dooh wow lai kreh ha kini ki sngi wa em ka khang chnong wei kini kynthup ki ya kiwa khih nong sngi, ki mistri, kiwa sait-that cha yung ki bru, kiwa chong dai madan, kiwa yah kari kamai wa kiwi kiwi, emkaam ki wow pyntip deiwa phone ha u No. 1070 lane deiwa phah yutip (Message) lyngba u WhatsApp ha u number 8794731937 wei ye leh u e yutip ha u Deputy Labour Commissioner næ ha ki Labour Inspector yong ki Block waphær waphær.

Hawa e yutip, toh u pyntip bniah:

1. I pyrtuid wa pura kiwa paan yarap
2. I pyrtuid thaw sah kam i chnong i dong
3. Ka EPIC Number
4. I kaam wakreh ki
5. I phone number
6. Ka Bank Account Number deilang wa u IFSC number

Ya ini toh u pyndep ha namo chwa ka 03-04-2020.

Kiwa paan yarap toh u man ki kiwa da dap 18 snem wei kiwa dooh wow lai kreh neidaw wa em ka khang chnong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kam wow pynkynmoo wa ini i yarap ym toh ya kitu kiwa da yoh yarap lyngba kiwi ki laad kiwa man kamni ha wah:

1. Kiwa em hapoh ka Building & Other Construction Workers (BOCW) lyngba ka Welfare Board.
2. Ki wakreh MGNREGA lyngba ki BDO ki jar jiar ki C&RD Block.
3. Ki wakreh Muster Roll lyngba ki jar jiar ki chnat.
4. Ki wakreh Casual Wage Woker haka Sorkar, ki Semi-Government Department kiwa yoh yarap na ki jar jiar ki thaw kreh ki.