U montri rangbah ka jylla u Conrad K. Sangma ynne ka da ong u wa waroh ki Deputy Commissioner hapoh ka jylla da e bor ya ki wow pynlait T. 25 lak naka MLA Scheme 2020-21 cha ki jar jiar ki MLA.
Da pyntip u wa ki MLA hap ki wow pynbiang yaki jait mar wa emkaam (Essential Commodities) ki wow saam cha ki bru wa toh u yoh myntoi yow ye u pynemkaam yaka poisa naka yung krehkaam ki Deputy Commissioner.
Da pytnip u leh wa ki MLA wa MDC da kyntu yaki wow ya krehlang waka District Administration yow pyntikna wa ym duna ki mar baam. Da ong u leh wa waroh ki seiñ kamjooh toh u yarap ki yaka sorkar.
Hawa kylli heiyatoh wa da em kiwa yoh COVID -19 ha Assam, u montri rangbah da pyntip u wa katkam ki kyndon ka MHA, waroh i lai luti na kawi ka District cha kawi ka District wei kamjooh leh na kawi ka jylla cha kawi dang man hi ki kawa khang.
Hawa kylli kammon u leh hadien wa kut ka Lockdown haka 14 tarik, u Conrad da pyntip u wa kamwa kiwi ki ri hapoh pyrthai da leh ki ya iwa emkaam, ha India wei haka Meghalaya leh da pynkhreh wow yaleh ya ini. Da pyntip u leh wa ka sorkar tip ko ya iwa poor u COVID-19 wei da pynkhreh ko wow booh kawi hi wot ka Hospital du ya kiwa yoh ya uni u khñiang.
Da kyntu leh yaki paidbah wow ya krehlang waka sorkar ha kam kini ki por wei lyngba kani ka Lockdown ye wow pyntkut yei poor uni u khñiang.
Discussion about this post