Ka Dorbar Chnong Iongkwang da khang pyrchah ko ya ki baar chnong wow psiah chapoh u pood ka chnong Iongkwang kam chibynta wa ka sorkar India leh da khang pyrchah ko wow psiah kulmar kam ha kani ka por.
Kiwa kwah u psiah cha ka chnong ye ki u pyntip cha u waheh chnong lane u Secretary Chnong deiwa phone ha u No. 8974926872 lane 6009760242.
Ym khang ya ki bru sorkar kiwa yaleh pyrchah ya u khñiang kjut COVID-19.
Neiliang ka dorbar chnong da kyrpaad ko ya ki khon yong ka chnong wow ya krehlang ki waka chnong deiwa neh ha ki jar jiar ki yung kam chibynta wow yaleh thma ya uni u khñiang kjut hadooh wa yoh bor naka sorkar wow leh da kamwi.
Ka chnong da maham ko leh ya ki dukan wym hoi u chim kabu hawa dai yaki marbaam mardih wei toh u dai kam i dor wa da booh. Lada ka chnong chem ko ya kam kini ki bru, daw pynchitom katkam ka aiñ chnong lane deiwa phah kem cha ki bor yong ka aiñ.
Da pyntip wa ka chnong da booh ko leh ya ki Volunteer wow paitbniah ya i lai i wan. Kamtæ sa chisien ka dorbar chnong da kyrpaad ko wow ya krehlang khnang wow jop ya uni u khñiang COVID-19.
Ka khubor na u Wandame Suchiang, Secretary Chnong Iongkwang.
Discussion about this post