Jowai: Ka Dorbar Chnong Sohkymphor Neiñ East Jaiñtia Hills District da rai ko wow khang pyrchah ya kiwon kiwon ki bru kiwa na baar wow wan psiah chapoh u pood u ang yong ka chnong katwa ini i khang chnong (Nationwide Lockdown) hapoh ka ri dang krehkaam pura ko.
Hawa yatoh wa ini, ka chnong kyrpaad joor ko ya ki bru wa na baar wow burom ya kani ka rai yong ka chnong, khnang yow ye u kdoh u khoom ya i poor yong u khñiang kjut COVID-19.
Neiliang u Waheh Chnong u Kornilios Lyngdoh da kyrpaad u ya ki paidbah wow ya ksohkti lang ki yow lait na i yabi wa i pynbait yong ka chnong khnang wa ini i thmu u man ko kawa jop.
Discussion about this post