Ka Sanshnong Welfare Association hei yahluti u President yong ka u Ki Dkhar kamjooh u Secretary yong ka u Tyrnit Pdeiñ deilang waki dkhot, ynnin ka sngi da ya chong pyrkhat jngai ki heiyatoh i poor smat uni u khñiang COVID-19 hapoh jylla Assam, kamtæ neiliang ka seiñ da chim ko yaka rai wow khang chisyndon yaki thaw uiñke nadooh Moopun Mutong, Sahksaw, Rynji Fall Cham Cham waka Pohlitang Fall Lumchyrmit ter ter.
Kamjooh leh da khang pyrchah ko u psiah u mih klumar ki kari kiwa nabaar kamjooh kiwa naka thaaiñ lait noh du kiwa em Car Pass waki kari kit marbaam dohi wa ye u psiah.
Da booh leh ya i kyrpaad ya waroh ki waheh chnong wa kiwa kitkaam chnong waphær waphær hapoh Sanshnong u ya krehlang kam ka dak u yakhun pyrchah ya uni u jait khñiang kjut.
Da booh leh yaka maham cha waroh ki paidbah yong ka thaaiñ wym hoi de u mih u lai ki cha loom cha wah, toh u bood yaki kyndon ka sorkar khnang u ye u yaleh pyrchah ya uni u khñiang.
Da maham leh wym hoi de u pynyap yaki dohum dohwah, u thang yaki loom ki pdeiñ, u pynyap yaki mrad ki mreng hapoh ka thaaiñ Sanshnong, lada chem kiwa leh pyrchah, daw pynchitom yaki da iwa eh. Wei kiwi chem wa kiwa e yutip cha ka seiñ daw e ya ki daka bai nong wei u muhrieh yei pyrtuid ki.
Kamtæ khnang yow lait na kiwon kiwon ki eh, sñiawbha u ya rehlang waka seiñ kat kam ka khubor wada phah da u Wanthmu Phawa.
Discussion about this post