Neidaw wa ku syndet i poor u khñiang kjut COVID-19 ha Assam kamjooh leh ha ki bynta yong ka thaaiñ mihsngi, ka dorbar chnong Nangbah ha ka khubor lyngba u waheh chnong u Tonroi Iongwai, ka chnong hi da i mynsien wa sñiawkhia da chim ko ya i rai wow khang pyrchah ya kiwon kiwon ki bru kiwa na baar chnong wow psiah chapoh ka chnong, wow lai emkaam næ u lai dai ya kiwon kiwon ki mar ki mata khlem da yoh bor na u waheh chnong.
Ka chnong maham joor ko leh ya kiwa na baar kam ki dkhar wow psiah yabor ki chapoh u pood yong ka chnong hawa kam kini ki por, la jia wa chem ya kiwon kiwon kiwa leh pyrchah ya ki aiñ yong ka chnong, hap ki u ngat ha ki kyndon pyn chitom katkam ki kyndon yong ka aiñ.
Da kyntu leh ya kiwa chong dukan wow bood ki ya ka kyndon wow ya jngai uwi na uwi (Social Distancing) hawa wan thied wan pet ki ya ki maar ki mata ha ki dukan ki dukdoh.
Discussion about this post