Ka HYC Nongthymmai Circle ynne ka sngi hapoh i yahkhmat u Enlang Sawian uwa man u President ka Nongthymmai Circle deilang wa ki dkhot ka seiñ, kam chibynta wow yarap lang yaki manyung wa dooh wa duk kiwa chah ktah ha kani ka Lockdown, da hiar wow e yarap da u khoo cha palat 50 tylli ki manyung kiwa em ha kylleiñ ki chnong wa ki dong kiwa haap hapoh i pait yong ka HYC Nongthymmai.
Ka seiñ da kyntu joor ko leh ya kiwi ki bru samen khamtam yaki bor sorkar wa toh u pait ki wow e yarap cha kam kini ki manyung kiwa em ha kylleiñ ka Bri U Ynñiawtrep kiwa da hap wow maad ya i eh ha kam kini ki por.
Nieliang ka Indian Red Cross Society, West Jaiñtia Hills District, da saam khoo wa kiwi kiwi ki baam ha Orphan Home yong ka NEIMA Sahsniang ynne ka sngi.
Ki pulit ka West Jaiñtia Hills District Executive Force leh da lai e yarap ki da i baam cha ka Shelter Home ki chynrang wa kynthai ka District.
Discussion about this post