Ynne ka sngi heipor 11 waje i step da pyndep yei saam khoo saam baam cha ki 6 tylli ki yung wa dooh tam ha ka chnong Ialong kawa leh neiliang yong ka yung krehkaam u Officer In-charge Phramer Traffic Cell deiwa ya emlang u waheh chnong, ki dkhot chnong wa ki Volunteer yong ka chnong.
Da leh ya ini neidaw wa da chem chitom wow lai khih neidaw ka Lockdown, kamtæ da yarap cha kini ki manyung da i baam wa emkaam.
Neiliang ka dorbar chnong Ialong da e khublei ko yaka Traffic Cell Phramer wei kamjooh ya waroh ki wakreh yong ka deiwa e khublei kyrpang ya u E. Pohchen uwa man u OC ka Phramer Traffic Cell uwa da yah khmat ya kani ka kaam saam khoo saam baam kawa man kawa jop.
Discussion about this post