Jowai: Ka JSU Laskein Block Circle ha ka 2 tarik da lai e yarap ko cha i thaw ri khonswet wa em ha chnong Sahsniang, West Jaiñtia Hills District, heiwa ka seiñ da e sñiawbha ko cha ki khynnah da ki Hand Wash iwa man i yarap wa rap emkaam bha ha kam kini i por wow yada now khñiang kjut COVID-19, uwa da ktah leh ya waroh kawi ka pyrthai kamjooh ya ka ri India.
Heijooh i por ka seiñ da e yarap haroh ko leh 10 kilo ki chini cha kani ka thaw.
Neiliang u President ka chnat ka seiñ, u Dapmain Suchiang da kyntu joor u leh ya waroh ki MLA ki MDC yong kani ka Block wow sñiawbha ki u e yarap ya kiwa dooh waduk ki wym em laad de deiwi tawon yow yoh poisa u thied khoo thied mar baam neidaw wada pynkrehkaam ya ka Curfew hapoh ka District wa ka jylla waroh kawi.
Neitæ nalor wada kyrpaad leh wow pynbiang ya ki khoo heini i thaw, da kyntu leh ya ka sorkar wow khang noh ko ya ki khappood waroh wow lait ki bru na Assam u psiah cha ka jylla Meghalaya wow ye u yada na uni u khñiang.
Discussion about this post