Shillong: U montri ka chnat i chait i khiah u AL Hek ynne da khut yalang u wow pynman yaka Review Meeting yow yaklam yei pynkhreh ka Civil Hospital, Shillong wa Tura Civil Hospital kiwa da booh kyrpang wow man ki kam ki thaw sumaar ya kiwa yoh COVID-19. Ha kani ka yalang da yaklam leh yei pynkhreh ki Corona Care Centres (CCC) kiwa da sdang thymme ki wow sumaar ya kiwa suba kamjooh kiwa yoh ya u COVID-19.
Ha kani ka yalang da emlang u Commissioner and Secretary, Health and Family Welfare Department, u Sampath Kumar, ka Secretary, Health and Family Welfare Department, ka M N Nampui, u Mission Director, National Health Mission, u Ram Kumar S, u Director of Health Services (MI), u Dr. A Warr, ki Doctor wa ki heh ka chnat Health.
Neiliang u montri da pynsñiaw u yei sñiawngooh ya waroh ki wakreh Health kiwa da emlang wow khang nei poor u khñiang COVID-19 deiwa kyntu leh yaki wow sumaar ya waroh khlem da leh chilliang.
Da yaklam leh yaki luti wa da pynkhreh yow pynpoi yaki laad yada wa tip kam ki Personal Protective Equipments (PPEs), ki kor Ventilators, ki N95 Mask wa kiwi.
Discussion about this post