Hadien ka Lockdown, ka Meghalaya u man ko kawa khang sbak ya kiwa na baar: Conrad

U montri rangbah ka jylla u Conrad K Sangma hadien wa pynbna ka sorkar yei thmu yong ka hadien wa kut ka Lockdown haka 14 tarik wow sdang biang ya ki kattu katni ki kaam hapoh ka jylla nadooh i wai biang pura yaki thaw kreh sorkar, ki kreh sarok, ki reh 100 sngi wa kiwi kiwi ki kaam pynroi hapoh ka jylla, ynne da khana bniah u yei thmu ka sorkar hadein boon da khuslai ki wa da smat ware u leh ya ini waroh neidaw wa u khñiang COVID-19 dang joor i poor u.

U Conrad da ong u wa iwa hakhmat dooh yaka sorkar toh yei chait i khiah ki bru wei ym leh iyi wow booh yaka jylla hei maa. Heijooh i por leh da ong u wa emkaam u pyrkhat yei chah ktah kitu kiwa ym yoh de u lai kreh, kamtæ ki rai wa da chim ka sorkar toh wow pait yei chait i khiah deilang wa i khih i kreh waka khayi ka pateiñ.

Yow leh ya ini, da pyntip u wa daw e laad yaka jylla wow krehkaam ko deiwa khang kset sbak yaka, yaki kaam chna (Construction) kiwa boon jait u leh du da ki bru wa napoh jylla donhi ym chah ya kiwa na baar jylla. Ini leh man ko i jooh heiyatoh waka rep ka riang.

U chah u wai yaki yaw ki haat wa pynman chisien chi tayaw yow elaad yaki bru wow dai yaki mar yong ki tangwa kiwa na baar jylla ym yoh ki wow embynta ha kini ki yaw. Katwa ki yaw wa heh u man hi ki kiwa khang.

Related posts

Ki paidbah pynbor ki ya kiwa mihkhmat wow wan cha ki yalang tangwa chah khñium won lada pynemkaam Siren: Paul

November 18, 2024

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Yaki skur da pyntip u wa daw pyrkhat hadien ka 30 tarik mynnu u wai yaki. Ki chnat krehkaam yong ka sorkar ki wow krehkaam pura toh du kitu donhi kiwa emkaam bha. Katwa ya kiwi daw e laad yaki khieh yong ki wow rai katwon ngut ki bru wa emkaam u wankreh neibhah ki leh emkaam hi ki wow krehkaam.

Ya kitu won kiwa lai puræ kiwa napoh ka jylla kiwa sahkut cha baar jylla kiwa em 2192 ngut, da pyntip u wa da yaklam wa ki man ka sngi yow pyntikna wa im ki dei chngaaiñ. Da ong u leh wa hap yang hadooh mynnu wa ka sorkar pyrdi u chah biang ko u lai ki rel waki lieñsuiñ, tangwa da kyntu u yaki deiwa pyrkhat yei bha i miat yong waroh wow neh chwa ki sa chi tayaw wei lada ye sa ar tayaw ha ki thaw wa em ki. Wei hadien wa kut u bnai April daw suk wow chim yaka rai.

Heiyatoh wa i khang yei psiah kiwa na baar chapoh ka jylla, u khang sa kamwa ar tayaw hadien ka Lockdown. Tangwa yaki mar wa emkaam u chah i psiah ki chapoh ka jylla deiwa paitbniah ya kiwa yah kari. Katwa ki kari kamai ym pu chah hi wow kamai ki.

Da ong u leh wa waroh ini wa ong u toh chong hei long i man ha kini ki sngi wow wan.