Jowai: Ynne ka sngi u montri ka chnat i chait i khiah ka jylla, u AL Hek da wan booddien u yei pynkhreh wow yakhun pyrchah ya ka khlam u COVID-19 hapoh ka West Jaiñtia Hills District. Ya u Hek da synraan da u MLA ka Jowai, u Wailadmiki Shylla; u DC ka West Jaiñtia Hills, u Dykes LNS Garod, u SP ka District, u Lakador Syiem, u Director ka Health Services wa kiwi kiwi ki heh yong ka chnat.
Nyngkong u Hek da lai u ha Civil Hospital Ialong heiwa da lai pait u ya ka Isolation Ward kawa da pynkhreh hapoh kani ka thaw sumaar.
Hawa yaklam wa kiwa pathai khubor, neiliang u Hek da ong u wa i daw wa wan u cha kani ka thaw sumaar toh yow pynkhreh ya iwon iwon i eh i khoo wa ye u yachem hawa yakhun ya u COVID-19 wei ini i booddien da leh ha waroh ki District.
Da ong u leh wa katkam wa man dang booddien ya kiwa duna ha ki thaw sumaar kam ki sapkti, ki sanitiser, wa kiwi kiwi.
Chooh chooh da kyntu u wa ki paidbah ymtoh u tieñ ki neibhah wa kiwa boon kiwa yoh ya uni u COVID-19 hapoh India da chait ki hadien wa da chah sumaar ki.
Discussion about this post