15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Em ar ngut kiwa suba em COVID-19 ha West Jaiñtia Hills

8 Comments

Jowai: Ynne ka sngi ka District Surveillance Officer (DSO) hapoh ka IDSP yong ka West Jaiñtia Hills, ka Dr. H. Uriah da pyntip ko wa katkam wa man hi wa da em le ngut kiwa suba wa yoh ya u COVID-19 hapoh ka District.

Uwi wa suba wa chem chitom wow riñ mynsien wei ky’oh wei hanlada ym em u wan na kiwon kiwon ki thaw wa chah ktah leh da pyndep ya ki Test wei da chem wa ym em u khñiang COVID-19 wei da kyrriah noh na ka thaw wa kyrpang namo ka Quarantine Facility ha wow chah sumaar ha kiwi tawon ki thaw.

Advertisement ad1

Da pyntip ko wa kattæ em ar ngut kiwa suba wa em ya uni u khñiang wei kini toh kiwa da wan na ki thaw wa chah ktah ha u COVID-19 pyn hapoh India wei uwi na kini ki ar ngut ym em u ha ka Registration Portal namo ki pyrtuid yong ki bru kiwa wan na baar jylla wei ym em u leh ha ka Helpline Registration Number wa da booh wei katkam wa man katni dang thooh tre cheiwon de lai u.

Sa uwi won toh uwa da wan nadooh ka 23 (Wisu) wei uwa da em pyrtuid ha ka sorkar wei em u hapoh ka Home Quarantine khlem mih næ lai cheiwon cheiwon leh wei da sdang em ky’oh u wei ynnin da pynhiar kpoh u wei hadien wa pyntip cha u Doctor yong ka chnong wa sah u wei da pynkit noh cha kani thaw sumaar wa kyrpang.

Da pyntip ko leh wa ya kini ki ar ngut daw chim ya ki Sample wow phah Test wei yooluti ko leh wow yoh ya ka Result hapoh 24 kynta.

Heiyatoh wa ka Contact Tracing namo wow booddien ya ki bru kiwa da yajan wa kini ki ar ngut, neiliang ka Dr. Uriah da pyntip ko wa ka chnat da sdang booddien ko ya kini ki bru kiwa da yajan wa kini ki ar ngut.

Kini ki ar ngut katni em ki hapyrdi i chah sumaar ha ka Quarantine Facility ha MCH, Jowai.

Previous
Next

8 Comments

  • April 8, 2020 at 12:37 pm
    I.Tang

    Kam wow e jingmut lang ha eh heini um toh bha wow khana ia ki pyrtuid wei shnong khnang wa kiwa da ia khleh lang wa ki u tip ki u syndong ia ide hi wa ia kiwi tawan .Boi leh ki te ki test wa daw wan man ki (+case).

    Reply
  • April 8, 2020 at 12:38 pm
    S. Dhar

    Dei ban ai bad ki kyrteng bad address jong kine kiba suba ioh covid-19 khnang ba kito kiba iakynduh ( contact) bad ki, kin lah ban phikir ne syndong ban contact bad kiwei de.

    Reply
  • April 8, 2020 at 12:41 pm
    No dkh

    Ki wa linu u tip iait

    Reply
  • April 8, 2020 at 1:14 pm
    D. Bareh

    Haoid, lah dei ban ai kyrteng bad jaka sah jong kito ki 2ngut te…. Khnang ba kiba bun hi kiba lah iakynduh bad ki, kin tip bad kin lah ban phikir

    Reply
  • April 8, 2020 at 1:19 pm
    No dkh

    Sngew bha ai tang ka Jaka ba ki sah ki shong ioh u tip

    Reply
  • April 9, 2020 at 4:27 am
    R muksor

    Iathu noh tang ka kyrteng shnong bad ki jait jong ki tharai kata shwa lah biang.

    Reply
  • April 29, 2020 at 7:04 am
    MD Rymbai

    Hei jingsniaw yong nga te ym hoi u thad pyrtuit kulmar ia ki, wa toh chini cha i dang bun ki bru wa dang duna ka bor sniawthuh, boi daw mih pathan dei jingjia wa sniawsih man da leh fi kamte.

    Reply
  • April 30, 2020 at 2:58 am
    Cd

    Sniaw bha khana ia i chnong ne i pyrtuid ki khnang wa kitu ki wa iajan wa ki yow tip ki u e jingsumar ne wow lai ki leh cha ki thaw e Jing sumar.wa

    Reply

Leave a Reply