Da u khoo pynlait u Wailadmiki cha ki chnong hapoh ka Jowai Constituency

Kam ha kini ki sngi wa krehkaam ka Lockdown wa 21 sngi wow yakhun pyrchah ya ka khlam u COVID-19 da em boon ki manyung kiwa da chah ktah khamtam wa da duna ki mar baam neidaw wa ymyoh ki bru u lai khih lai kreh.

Kamtæ dei mynsien wa sñiawkhia, ynne ka sngi u MLA ka 2-Jowai Constituency, u Wailadmiki Shylla da pynlait u ya u khoo cha ki manyung wa em ha ki chnong kiwa cha baar ka Jowai namo ki Rural Area. 

Neiliang u Wailadmiki da ong u wa ya uni u khoo ynne ka sngi da saam cha ki chnong wa em cha baar ka Jowai namo ki Rural Area wei ha ki sngi wow wan daw saam won hapoh Jowai (Urban Area).

Da ong u leh wa ini mani i pyrchang katwa joh i bor yong oo samen wow pyndap yeiwa emkaam ki manyung wa dooh wa duk kam ha kini ki por wei daw pyrchang chooh u leh wow thooh ya kiwi ki laad yarap u leh kamjooh ha kini ki sngi wow wan.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Heiyatoh wa kiwi tawon ki chnong wa dang sah, da pyntip u leh wa daw saam ya u khoo ha kini ki sngi wow wan.

Ki chnong wa da saam ynne toh cha ka Mukhla, Khliehtyrchi, Mihmyntdu, Sabahmuswang, Ialong, Sohmynting, Madur, Niriang, Loomkhidung wa Phlonginkhaw.