Shillong: Ynne ka sngi neiliang u Symbood Montri Rangbah ka Meghalaya, u Prestone Tynsong da ong u wa lada emkaam ka sorkar, daw pteiñ ko ya ka Lockdown namo i khang chnong hadien ka 14 tarik, wow yada na i poor ka khlam u COVID-19.
Da ong u wa ka sorkar chimkhia bha ko yeini i kaam wow yada na u COVID-19.
Chooh chooh da ong u wa kiwa boon ki jylla dang sñiaw ki wa dang emkaam wow pynkhlan ya ini i khang chnong sa kattu katni tayaw, neiliang ka sorkar Meghalaya won daw bichaar ko yeini ha ka yalang ki montri yong ka ha ki sngi wow wan.
Kam wow kdaw heini ka sorkar jylla ha ka yalang ki montri yong ka ha kani ka tayaw da rai ko wow pynlait noh ya ki kattu katni ki rukom krehkaam ka jylla ki wow sdang krehkaam biang nadooh ka 15 tarik uni u bnai ryngkat ki kyndon wa khor hadien wa da kut i khang chnong (Lockdown) wa 21 sngi, katwa ya ki thaw puræ won u khang chwa hadooh ka 30 tarik uni u bnai.
Discussion about this post