Jowai : “Da lai yachem i dei langer wa u Commissioner wa u Secretary nadooh chwa wow pynbna result SSLC wa HSSLC ka MBOSE hadooh kini ki sngi ki tayaw wa da dep hei yatoh wei eh i khoo wa daw takhooh ki khynnah ha Kiang Nangbah Govt. College tangwa hadooh ynne ka sngi ym tip yi wow leh ki (sorkar)” da ong uwi na kiwa krehkaam ka KNGCSU hadien wa pynbna lai paidbah wa jai jai ki khynnah kani ka thaw puræ mynstep ka 22 tarik.
Kani ka lai paidbah ki khynnah ka College man ko leh ka wow pyrchah yei mynthi ka sorkar yei dawa ki khynnah da slem bha.
Yow sniawthooh chooh chooh wa katwon ngut ki khynnah wa chah kyntait ha uni u snem, neiliang u WYRTA da yoh u ya ka kot wa pynsakhiat yei dooh thaw puræ ha uni u snem.
Ha ka Class XI Arts (Morning) da wan thap hadooh 618 ngut ki khynnah heiwa hadooh kattæ dang yang sa kamwa 239 ngut.
Ha ka Class XI Arts (Day) ki wa wan thooh thaw puræ heini da em ki hadooh 1057 ngut katwa ki wym pu pdiang won em ki hadooh 761 ngut.
Ha ka Class XI Science won da thap 420 ngut katwa kiwa dang yang won em ki 225 ngut.
Katwa ha ka Class XI Commerce won da thap hadooh 168 ngut katwa dang yang won sa 60 ngut.
Ha kiwa boon hi ki laiñ puræ ha kani ka College da pdiang ko palat ya i bor (capacity) ha uni u snem, tangwa neidaw wa em hadooh kamwa 1285 ngut (Arts, Science, Commerce) ki wa dang yooluti u psiah ha kani ka thaw puræ kamtæ da khñium kini kiwa boon.
Ini i ood kini kiwa chah kyntait chirup wa kiwi ki khynnah puræ ka college kamjooh ka KNGCSU da rai ki wow pynman ya ka lai paidbah mynstep ka 22 tarik.
Hei yaklam wa u DC ka WJH da ong u wa neiliang yong oo da pyntip u cha ka sorkar hei yatoh wa ini waroh wa emkaam u pynboon ya ki kamra puræ (classroom) wa ki wa sikai tangwa ympu yoh jubab neiliang ka sorkar hadooh ynne ka sngi.
Neiliang u WYRTA da wanrah u cha phi ya ka khubor kiwa dooh wa kiwa yoh u puræ ha kani ka College. Yow tip bniah sñiawbha click ha kani ka link
Discussion about this post