Jowai : Hadien wa mih ka khubor wa ong wa ki khynnah ka Kiang Nangbah Government College u lai paidbah ki mynstep wow pyrchah yei chah kyntait kamwa chi hajar ngut wa thmu u puræ ha ka, neiliang ka seiñ Jaiñtia National Volunteer da pynsñiaw ki yei kyrchaan ya kini ki khynnah puræ.
Ka seiñ JNV da ong ko wa kyrchaan ko ya i lai paidbah yong ki khynnah puræ kani ka college iwa ha khmat dooh toh yow kyrchaan ya ki wa chah kyntait ha ka ni ka College.
“Cheiwonwiar ki 7 ngut ki MLA ka ri-loom Jaiñtia?” da kylli ka seiñ hei yatoh weini i chah kyntait kini ki khynnah wa boon.
Kamtæ ka seiñ da e ko kti timun tidiang wow kyrchaan ya kini ki khynnah wa chah kyntait kiwa dooh.
Discussion about this post