Neiliang u Asstt. Inspector General of Police (A) Meghalaya, Shillong da pyntip u wa ha kini ki sngi wa da dep da mih ki khubor wa ki wakreh mylla kiwa na baar jylla da chem chitom bha ki neidaw ka Lockdown khamtam wa em kiwa da pynkut yei mynsien yong ki.
Da ong u wa da em uwi uwa na Meghalaya uwa da pynkut yei mynsien u ha Agra wei da chem leh yeiwi i metyap u wym tipmit na Umsawli, Shillong wei heiyatoh wa ini ha Shillong, u Manager kani ka thaw wa pynman ya ini i kreh da pynche u wa ini i metyap wa chem na ini i thaw wa em i chna (Constriction Site) ym toh u wakreh wa kani ka Company.
Da em leh kiwi kiwa jia wa pynkut ki bru yei mynsien yong ki ha kini ki sngi wa dep, heiwa 3 ngut toh hapoh West Jaiñtia Hills, mar uwi ha East Khasi Hills, West Garo Hills wa South West Garo Hills.
Da pyntip u wa da dep leh ya iwa emkaam katkam ka aiñ wei da chem wa ya kini wa da pynkut yei mynsien yong ki ym toh neidaw ka Lockdown wa da pynkrehkaam hapoh ka jylla wei toh naki daw yong ki samen hi.
Discussion about this post