Da ki Mask wa Sanitizer e sñiawbha u Wailadmiki Shylla cha ki dkhot ka JJA

Jowai: Ynne ka sngi u MLA ka Jowai Constituency da e sñiawbha u ya ki Hand Sanitizer wa ki Mask cha kiwa pathai khubor ka West Jaiñtia Hills kam chibynta wow yada ki pyndaki yaki hi kam ha kini ki por wa chah ktah ka ri wa ka pyrthai ha ka khlam u COVID-19.

U Wailadmiki da ong u wa kam ha kini ki por ki khubor man ki kiwa emkaam bha wow pynpoi cha ki bru wei katwa emkaam kiwa pathai khubor leh emkaam bha wow yada ki na u khñiang u COVID-19.

Neiliang u General Secretary ka Jaiñtia Journalist Association (JJA), u Russel Nongrum da ekbulei u ya u Wailadmiki uwa da johkhie wow pyrkhat neibynta yong ki (kiwa pathai khubor) kam ha kini ki por.