Kawa yoh nyngkong dooh ya u khñiang COVID-19 hapoh Manipur, kawa da chah sumaar ha Jawaharlal Nehru Institute of Medical Sciences, da yoh ko wow mih napoh Hospital ynnin ka sngi Bibar.
Ya ini da pyntip da u Additional Director & Spokesperson ka Health Department, Manipur u Dr. Khoirom Sasheekumar Mangang wa da chait ko, wei daw hap won ko wow leh yaka Home Quarantine deiwa chong khop ha yung 14 sngi wei da batai bniah cha kiwa hayung hasem yong ka kammon wow leh ya ini.
Kani kawa 23 snem kawa na Imphal West District toh kiwa liwan yung na UK i thaw wa lai puræ ko.
Da pyntip leh wa heiyatoh won wa uwi uwa na Moreh uwa chah sumaar neibynta u COVID-19 ha Bengaluru, 19 ngut ki bru wa yachem u wa kiwa yajan wa oo da dep leh yaka test hapoh VRDL, RIMS wei waroh da chem wa ym em yoh ki ya uni u khñiang. Ya uwa chah sumaar da suba wa da yoh u ya uni u khñiang manda poi u ha Bengaluru.
Uni u bru toh uwa mih napoh ka jylla Manipur haka 12th March wei da chah test u ha Bengaluru haka 8th April.
Discussion about this post