Shillong: Ki MDC ka KHADC ynne ka sngi da kyntu ki yaka sorkar jylla wow pynyinsur yei pynrkhiñ ya ki warep ha ini i khang chnong neibhah wa em ki warep kiwa da dep ka aiom ah wei da chem ki yei eh wow pynlai yaw wot ya kiwa thung yong ki.
U Pyniaid Sing Syiem da ong u wa i khang noh ya ka Iewduh, ki warep da chem chitom ki wow pynlai yaki mar rep, wei neiliang ka KHADC da kyntu ko yaka sorkar wow e laad wow wai noh ya ki yaw ha ki chnong wa marjan kiwa jooh man yaw chisien chitayaw, kam ka yaw Smit, yaw Pamtiah ha Mawryngkneng wa kiwi ki yaw cha ki khapsor kiwa em du para jaitbru donhi.
Hawa yatoh wa kiwa dang sdang wow thung ha ini i por, u Pyniaid da pyntip wei da e yumut u ha u Montri Rangbah wow tipmit ya ki kattu katni kiwa khayi sboh ha ki thaw wa da booh da ka sorkar.
Da pyntip u wa neiliang ka sorkar da mynjur ko wow yaklam ya kini ki emkaam wei da phah ya ki Deputy Commissioner wow leh ya iwa emkaam.
Discussion about this post