Shillong: Ki MDC ka Khasi Hills Autonomous District Council (KHADC) hapoh i yahkhmat u Chief Executive Member, u Titosstarwell Chyne da pynsñiaw ki hakhmat u Montri Rangbah ka jylla, u Conrad K Sangma yow e yumut ya ka sorkar wow pteiñ i khang chnong næ ka Lockdown sa kamwa 2 tayaw tam neibynta wow pyntikna wa chngaaiñ ki paidbah ka jylla na u khñiang COVID-19.
Hawa klam wa ki laad pathai khubor, u CEM da pyntip u wa ki MDC da e yumut ki leh yaka sorkar wow pynyinsur noh kajiak cha ki thaw wym em yei maa deiwa e laad yaki paidbah wow lai ki cha ki kaam wa man ka sngi. Da kyntu leh ya u Montri Rangbah wow pynkhlan ya ki bor ka aiñ ha ki thaaiñ khappood wow yada na i yoh kiwi won ki bru wow wanrah yei maa ya ki paidbah ka jylla, khamtam wa ka ri Bangladesh.
Chooh chooh u Titos da pyntip u leh wa neiliang ka KHADC da kyntu ki yaka sorkar wa deilang wa i pynbiang ya ki marbaam toh leh u pynrkhiñ wei wow paitbniah leh ya ki bru chim kabu kiwa dai palat pood ya i dor wa da booh.
Ha ini i yachem, kini ki MDC leh da e sñiawbha ki cha ka Chief Minister Relief Fund T.5 lak kawa da mynjur lang da waroh 30 ngut ki MDC.
Discussion about this post