Ka sien nyngkong ha ka juk yong i,
Wa duk u chong kamni khlem leh iyi iyi,
Neidaw ka khlam wa poi cha i na baar ri,
Ong ki wa stat yow lait bi, chong ha yung yong phi donhi.
Sait ki kti phi man ki por ki kynta,
Wym toh wa yoh phi yowni kjut phylla,
Tangwa man ko kam ka laad yada ya phi ya nga;
Man kiwa chong chnong wa tyrna neibynta i ha.
Kiwa jooh mih cha lait u chong ki waroh wa teiñ,
Neidaw wa em ki pulit wa ksoh dieñ,
Em ki bru yong i wa ak chlur,
Leh ki pulit ki kam ki khynnah skur.
Ki yaw ki haat waroh wa khang wa tieñ ya uni,
Kamni yoosuk u pait wa ngait sneiñ ki ya ka aiñ ka ri,
Wyr’ai won u pait ya kiwa im du nei khih mylla,
Tang kattæ leh ka sorkar pyrkhat ko kammon u yarap ya phi ya nga.
Blai kyrkhu ya ki doctor ki nurse yong i,
Kiwa sumaar ya ki bru wa kjut hapoh ka ri;
Dooh thiah dooh dem ki neibhah yong i,
Chong phi ha yung donhi kam ka nongkylliang ya ki.
Discussion about this post