Jowai: U District Magistrate ka West Jaiñtia Hills da pynmih hukum u ynne ka sngi yow pyntip cha waroh wa i lai i wan waroh ki wakreh kam ki Doctor kamjooh kiwi ki wakreh ka chnat Health Department ka sorkar Meghalaya kamjooh waroh ki wakreh sorkar ki wakreh haki Corona Care Centres wa haki thaw wa leh Quarantine, kamjooh ki wakreh kam ki heh District wa kiwi kiwa embynta wow leh yaki kaam wa emkaam wa yatoh wa u COVlD-19 ym toh wow khang yaki.
Kamtæ u Deputy Commissioner da kyntu u ya waroh ki waheh chnong, kiwa yahkhmat yaka imlang sahlang, ki seiñ, kiwa yahkhmat yaki niam wow pynsñiawthooh paidbah ki ya ini wei ym toh u pynthut yaki Doctor wa ki wakreh lang waki hawa lai ki wow leh yaki kaam yong ki heiyatoh wa u COVID-19.
Da phah leh yaki paidbah wow bood ki yaka Social Distancing deiwa yajnai uwi ya uwi ym duna ya chi meter, ym toh wow mynthu haki thaw paidbah wei wow sap yaki Masks.
Discussion about this post