Jowai: Kat dang mih ki sngi wei kat dang lai i por ka Lockdown, ki paidbah da man ki kiwa chah ktah bha khamtam kiwa khih mylla wei ha kini ki sngi won ki warep heiwa da toh i por wow loor wow pooh, wow thung wow bet ki ha ki hali hator yong ki.
Neiliang ka chnat kaam pohyung ka sorkar pyrdi namo ka Ministry of Home Affairs deiwa chimkhia yeini ha ka 4 tarik uni u bnai da rai ko wow pynyinsur ya i krehkaam ka Lockdown neibynta ki warep kamjooh leh ki dukan wa ki karkhana khian wa yatoh wa ki kaam rep.
Heiyatoh wa ini neiliang u montri rangbah ka jylla, u Conrad Sangma da ong u wa chwa wow por ka khlam u COVID-19 da rai wow pynyinsur ya ki jyndon heiyatoh wa ki kaam rep ha ka jylla tangwa mar em uni u khñiang, da haap pyrkhat biang ym du ya kani ka bynta tangwa wot kiwi ki kaam leh kamjooh khamtam wa yatoh wa ki thaw sor kam ha Shillong, heiwa da haap pynkylla noh ya ki.
Heiyatoh wa wa ki warep katkam ki kyndon ka sorkar pyrdi, ka sorkar da pynlait ko ya ki.
Ki warep toh u pyntikna ki wa ki bru ymtoh u wan ki kiwon kiwon ki thaaiñ ka jylla.
Da ong u leh wa ymchah wow lai u wan na kiwi ka district cha kiwi tawon (Inter District), da pynyinsur ya ki kyndon neibynta ki warep tangwa haap booddien bha ki ya ki kyndon ka sorkar neibhah kam ha kini ki por ki warep da toh i por wow thung u bet ki katwa kamtæ da pynyinsur ya ki kattu katni ki kyndon ka Lockdown neibynta yong ki.
Discussion about this post