Yoh COVID-19 sa ar ngut ha Meghalaya

U montri rangbah ka jylla Meghalaya da pyntip u wa da em sa ar ngut kiwa da pyntikna wa yoh ya u khñiang COVID-19.

Da pyntip u leh wa kini ki ar ngut toh kiwa chi yung chi sem uwa yoh nyngkong ya u COVID-19 ha Shillong.

Wa kini ki ar ngut waroh kiwa da yoh ya uni u khñiang da em ki 9 ngut, heiwa 8 ngut toh kiwa dang em ya uni u khñiang (Active Case) katwa uwi toh uwa da khlaad.

Ha iwi tawan i liang chwa ini i pynbna thymme, hadien wa em wa yoh nyngkong ya u COVID-19 hapoh ka jylla Meghalaya kamjooh leh da khlaad u, da mih boon ki phang kylli kiwa paidbah da kwah ki yei jubab.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Heiyatoh wa ini, neiliang u montri rangbah ka jylla u Conrad Sangma da jubab u heiyatoh wa u pyrsa kurim u Dr. Sailo, uwa pynbaad wa ka sorkar ym em chimkhai ko wow pynyait ya kiwa chi yung kiwa em 6 ngut kiwa da pyntikna wa da yoh ya u khñiang khlam COVID-19 deiwa pynchong bait ki hapoh kawi ka yung.

Neiliang u Conrad da ong u wa ini ym toh i por wow kylli ya ini neidaw wa kani ka manyung dang em ko heipor wa chem chitom bha ki wei ym bha ya oo wow klam yeini. Deiwa ong wa emkaam wow burom i ya kani ka manyung wei wow e yaki ya i thaw wa emkaam ki ha kam kini ki por.

Heijooh i por da ong u wa da leh katkam ki kyndon wa da booh wei da bood thij pa thij.

“Hanla man ko i por wa eh yaki tangwa i boodien yow chem ya kiwa da yachem wa ki dang lai hi ko chakhmat, e khublei O leh yaki wa ya krehlang ki.”