Ka sorkar pyrdi da chimkhia bha ko wow pynbiang yei emkaam ki bru wa khih mylla kiwa da sahkut namo neh ha ki thaw kreh wa ki jylla kiwa ki ymtoh mantre ki (migrant labourers) neidaw ka Lockdown wow yakhun pyrchah ya ka khlam u COVID-19.
Ynne ka sngi neiliang u Cabinet Secretary (CS) da thoh u cha waroh ki sorkar jylla wa ki Union Territory wow pyntikna wa da bood ki ya ki kyndon wa da pynmih ka Ministry of Home Affairs (MHA) heiyatoh wa i yada, i thaw sah wa i baam ya kam kini kiwa khih mylla.
Da hukum wa waroh ki khlieh ki District wow booddien ki yeini wei wow thung ya ki sahep (Nodal Officer), wow pynbiang yei emkaam kini ki bru wa khih mylla.
Chooh chooh da hukum leh ya ki wow kheiñ wei wow thooh yutip ki hadooh katwon ngut wa em kam kini ki bru hapoh ki District khnang wow ye ki u leh yeiwa emkaam.
Da phah leh wa waroh ki Relief Camp toh u pait ya ki da ki sahep wa da chran wei wow booddien kamjooh leh u kyntu ya ki seiñbhalang wa ki seiñ kreh mon sñiawbha wow pynbiang mar baam ya kini ki bru katwa dang krehkaam ka Lockdown kamjooh leh wow sneiñ wei wow e mynsien ya kini ki bru katkam ki kyndon ka Ministry of Health & Family Welfare.
Discussion about this post