theme-sticky-logo-alt
theme-logo-alt
Advertisement ad1

Chah kem ka Ambulance wa thmu wow lai thooh ya kiwa thang rngaw

Jowai: Ki Village Defence Party (VDP) ka chnong Khonshnong ryngkat wa ki dkhot ka FKJGP ynnin ka sngi da yoh kem ki ya kawi ka Ambulance kawa khlem Registration Number kawa uiñ chapoh ki chnong deiwa pynkieh siren.   

Kiwa yahkhmat ka VDP hadien wa da ksoh ki ya kani ka Ambulance da kylli takit ki ya uwa yah ya ka heiwa da chem wa ym em bru wa chitom hapoh yong ka wei da thmu wow lai thooh ya ki lok yong oo kiwa thang rngaw khloo.

Da chem wa kini ki bru toh kiwa na chnong Madanrting kawa em hapoh ka Elaka Nongjngi wei kani ka Ambulance wa pynemkaam ki toh ka yong ka chnong Saitsama.

Neiliang ka VDP ka chnong Khonshnong wa ka FKJGP da pynsñiaw ki yei mynsien wa khia wa em kam kini ki bru wa chim kabu kam heini i por wow pynemkaam bakla ya ka Ambulance chnong.

Da maham ko leh ya ki bru wow lai u wan ki lyngba ka chnong daka Ambulance khlem em kiwa chitom wow lai thooh dawai wei ya kani ka kari da ekti noh cha ki pulit ka Raliang Outpost wow leh ki yeiwa emkaam.

Ini man i katkam wa pyntip President ka VDP Khonchnong, u Romio Langwar wa u Secretary ka VDP, u Maximus Papeng.

Advertisement ad1
Share this:
Previous

Hukum u CS ka ri ya ki jylla wow pynbiang yei emkaam kiwa khih mylla wa sahkut ha ki District

Next

COVID-19: La 13,387 ngut kiwa yoh, 437 ngut kiwa yap wa 1749 ngut kiwa chait ha India