Ka chnat rel namo ka Indian Railways da pteiñ ko wow pynpoi ya ki mar wa emkaam namo ki Essential Commodities kam ki mar baam cha kylleiñ ka ri hapyrdi wa em ka Lockdown wow yakhun ya ka khlam u COVID-19.
Khnang wow pyntikna wa waroh ki manyung hapoh ka ri u man ki kiwa dap heiyatoh wa ki marbaam, nadooh wa sdang ka Lockdown ha ka 25 u Wisu hadooh ka 17 Naitung da kit palat 4.2 million ton ki marbaam.
I kit ya kini ki mar wa emkaam da pteiñ i khlem sangeh deiwa krehlang chirup wa ka Ministry of Agriculture kamjooh leh wa ka Container Corporation of India Ltd (CONCOR) wa ka National Agricultural Cooperative Marketing Federation of India Ltd (NAFED).
Ka Indian Railways da jied ko leh ya ki 65 tylli ki luti (Routes) neibynta ki Parcel Special Trains nadooh wa sdang ka Lockdown khnang wow pynpoi smat ya ki mar wa ye u sih kam ki soh, jhoor, dud, ki symbe wa kiwi kiwi khang wow pyntikna wa ka Lockdown ym ktah ware ko ya ki paidbah.
Discussion about this post