15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Hapyrdi ka Lockown, pynchongtre ki manyung ka Raij Jowai ya ka Chaad Sukra

0 Comments

Ynne ka sngi man ko ka sngi wa da booh da ka Seiñ Raij Jowai wow pynman ya ka lehkmen Chaad Sukra heiwa da toh u mih cha ka yaaw ka syiem wow pyndep kamwa da jooh leh khlieh u snem tangwa ha uni u snem won neidaw wa em ka Lockdown wow yakhun pyrchah ya ka kham u COVID-19 da haap pynpep noh ya ka.

Ka Chaad Sukra man ko ka samoi wow engooh edem ya ka Bei Rymaw kawa da pyndap pynbiang ya ki bru hei ekaam yong ki nadooh ki mar rep hadooh ki sim ki doh, chooh chooh leh man ko kam ka dak wow engooh ya ki Blai wa daa wa kær ya ka ka chnong ka thaw liang wanang.   

Advertisement ad1

Hanlada da hap wow pynpep ya kani ka Chaad Sukra katkam ki kyndon ka sorkar tangwa ki manyung hapoh ka Raij Jowai da pynchongtre ki ya ka deiwa pynmann ya kani ka chaad ha jar jiar ki thyndai yong ki. 

Ynne ka sngi heipor step da ha jar jiar ki thyndai yung pynman da i e ngooh ya ki Blai ki Syiem wow man bha man miat ki ka yung ka sem wa ka imlang sahlang; wow bha u miat u kba u khoo wei wow yoh ya i chait i khiah waroh liang wanang, 

Da sakhi leh wa ki Dorbar Chnong hapoh ka Raij da pynman ki ya i booh blai ha ki Yungwalieh deiwa bood ya ki kyndon ka sorkar wow jngaai iwi na iwi naamo ka Social Distancing. 

Da pynphooh ya kani ka sngi da ki chaad ha jar jiar ki yung heiwa ki kynthai, chynrang, khynnah wa waheh da sap ki da ki sula tynre da chimbynta ki wow pynskem ya ka yurim yong ka Chaad Sukra wei wow ka-it kasar para ki kam heini i por wa em kani ka Khlam u COVID-19. 

(Photos Contributed by: D. Paul Lamare & Soolangki D Laloo)

Previous
Next

0 Comments

Leave a Reply