Ye u wai sa ka wi ka Morning Section ha KNGC yow thap ya kiwa chah kyntait

Jowai : Ka Kiang Nangbah Government College Students’ Union ynne ka sngi da li booh dorkhat ko ha khmat u DC ka West Jaiñtia Hills wa ha u Commissioner Secretary ka sorkar kamjooh leh ha u R.C. Laloo u Montri ka tnat puræ puthi.

Ha kani ka dorkhat da pynsñiaw ki yei chem chitom ki khynnah Class XI u yoh u psiah hapoh kani ka College neidaw boon man ki kiwa wan na ki yung ki sem wa dooh wa duk wei ym ye ki u su ya i bai college yong ki ‘Private College’ wa da syad waræ ki.

Da ong leh ha kani ka dorkhat wa ha ka Class XI Arts Day Section da wan thap form 1045 ngut, ha ka Class XI Arts Morning won da thap 618 ngut. Neiliang ka Commerce XI da wan thap 169 ngut.

Ha ka Class XI Arts Day Section da pdiang 140 ngut, Class XI Arts Morning won 235 ha ka Section A waka B, ha ka Class XI Commerce da thap 46 ngut katwa ha Class XI Science won da thap 98 ngut.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Yow lait yeini i dooh thaw puræ ki khynnah ha kani ka college da kyntu ya ka sorkar yow sdang ya ka Evening Section ya ki Degree kamjooh ya ki Higher Secondary school. Da paan ki leh yow pynemkaam ya ka Auditorium wa ya ka Indoor Stadium yow pynemkaam ya ki kam ki Classroom. Da pachat yumyut leh wow phah pynhiar bai lai puræ ha ki ‘Private College’ wei kamjooh leh yow pynku ya i bor thap ki ya ki khynnah puræ.

Neiliang u DC da ong u wa dang pynkhreh ka sorkar ya 102 ngut kiwa sikai ki wa boon hi u poi ki ha KGNC hapoh chi tayaw.

Neiliang ka principal ka college kamjooh wa ka  KNGCSU da pyrkhat ki wa wow wai noh sa kawi ka Morning Section hadien wa da tikna u wan ki wa sikai wa da kular ka sorkar.

Kamtæ ka seiñ da kyntu ko ya ka sorkar yow phah smat noh ya kini ki kiwa sikai.