Shillong: U Symbood Montri Rangbah ka jylla, u Prestone Tynsong da ong u wa ka sorkar ym yohsa ko wow pynku yei dor phñiang kari (Petrol/Diesel) neibhah i lut ka sorkar man ko kawa joor bha ha kam ini i por.
Hawa jubab ya iwa da kylli ynnne ka sngi, u Prestone da ong u wa hanla ha kiwi ki ri ka pyrthai i dor phñiang kari da hiar i, tangwa ka jylla Meghalaya wa kiwi leh ki jylla ha ka ri India hap ki wow pynku ya i dor neibynta wow rap yoh u pynmih poisa na ki dan neibynta ka jylla ha kam kini ki por.
Da pyntip u wa ka sorkar da pynku ko ya i dor Petrol wa Diesel T.5 chi liter, wei kattu ka Petrol u ku ko cha T.72 chi liter, katwa i Diesel T. 66 chi liter.
Da ong u wa ha u Duiatra (Jan) uni u snem, i dor Petrol man i T.75.50 chi liter, wei katni dang duna ya iwa ku hawa sdang snem, deiwa kyntu ya ki paidbah wow yaichah wei wow pdiang ya kani ka luti wa chim ka sorkar ha kani ka yakhun pyrchah ya u khñiang COVID-19.
Discussion about this post