E yarap ki arngut ki waheh da u khoo cha ka chnong Deinshalalu

U Tiufill Shadap uwa naka chnong Khliehriat West, da e yarap u kamwa 16 churia u khoo cha ki manyung kiwa dooh ka chnong Deinshalalu.

U Tiufill Shadap man u leh u bru paidbah wym toh u bru u wa paaw haka thaaiñ, dei mynsien wa sñiaw-wyrai yong oo ya ka chnong da leh u ya kani ka bynta.

Kamjooh leh u waheh chnong u Mewan Dkhar da i mynsien wa sñiawkhia yong oo hawa pait u cha ki manyung wa dooh kiwa em haka chnong, da e u leh i yarap kamwa 15 churia u khoo cha ki manyung wa dooh.

Ha chwa u saam ya u ni u khoo da yoh leh i ktien pdiang sñiawbha ya kini kiwa e yarap da u General Secretary chnong u Jamroy Rymbai ryngkat wa i duwai Blai neibynta yong ki da u Tbn. Billing Rymbai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang ka chnong waroh kawi da e ki leh yei kitbok kitrwiang ya kini ki arngut ki waheh haka kaam ka jaam yong ki wei wa u Blai u nang e u yaki da i nang i chait.

Kani toh katkam ka wyrta na u General Secretary chnong Deinshalalu u Jamroy Rymbai.