Khliehriat: U Deputy Commissioner, East Jaiñtia Hills da pyntip u wa ki kaam wa da chah u leh hapoh ka District toh ki dukan wa dai ya ki mar emkaam (Essential Goods), ki Courier Service ya ki mar wa emkaam, ki e-Commerce ya ki mar emkaam wa ki Common Service Centres (CSC).
Da chah ya ki kaam wa leh da ki bru samen kam kiwa chna bordiñ, Computer (IT Repairs), chna umkor, wa chna kari, mistri dieñ (Carpenter), karkhana chna truck ha ki sarokbah. Ki dukan (Hardware) kam kiwa dai tin (CGI sheets), khyndaw-bilat, wa kiwi kiwi neibynta i chna i tei (Construction), wa i kit ya ki da chah kamjooh leh ki dukan dai tiar bordiñ (Electrical Shop) u man ki kiwa ye u wai.
Da pyntip u leh wa ki karkhana heh (Industries, Industrial Establishment) yong ka sorkar wa ki bru samen kam kiwa yatoh wa i pynmih ya ki mar-baam (Food Processing Industries) ha ki thaaiñ palat sor (rural areas), wa em cha baar ka Municipal Corporations wa Municipalities, wa kynthup ya ki thaw dung khoo (Rice Mills) wa kiwa chna phniang baam (Mustard Oil Processing) man ki kiwa da chah wow krehkaam kamjooh leh ki karkhana chna moo-it.
Waroh ki kaam rep, ri mrad, psan dakha, ki thaw pyllang dud waki mar wa chna na i dud, i pynyoh yaki mar rep wei wow pynlai yaw yaki mar rep, ki Custom Hiring Centers, Cold Storage wa ki Warehouse toh kiwa da chah wow krehkaam biang ki.
Da chah leh yei wanrah yaki symbe, ki baam ri mrad, ki kor rep kamjooh ki karkhana pynmih slacha deiwa pynemkaam ym palat ya 50% ki wakreh wow song yaki mar wei wow pynpoi cha ki yaw.
I rukom kit yaki mar rep daw chong i ha i rai ki jar jiar ki Deputy Commissioners, da chah leh wow wai yaki Veterinary Hospital, ki Dispensaries, Clinics, waki dai wa i pynpoi yaki dawai hadooh ki Vaccine da chah biang.
Ki kreh hapoh ka MNREGA da chah deiwa bood yaki kyndon Social Distancing wei deiwa pynemkaam yaki Face Mask deiwa booh kyrpang yei kreh yaki kaam Irrigation and Water Conservation Works.
Da chah leh wow sdang ki kreh wow chna ya ki sarok, Irrigation Projects, ki yung ki sem, waroh ki jait karkhana wa kynthup yaki MSME, kiwa em cha ki thaw palatsor kamjooh cha baar i pait ki Municipal Corporations wa Municipalities, kamjooh leh ya waroh ki Industrial Estates da chah hadooh wow kit yaki mar wa emkaam ki kam ki thaw choh moo.
Da pyntip u leh wa daw pynkhreh chooh chooh ya ki kyndon ha ki sngi wow wan.
Discussion about this post