Shillong: Ha i miet yong ka 25 tarik ki dkhot ka JAC ka chnong Malki kiwa yang chnong wow lait nei wan psiah ki bru ki wym tipmit heipor wa pynkrehkaam ya ka khang chnong (Lockdown), da yoh ki wow ksoh ya kawi ka kari Bolero wa em number ML-02-0416 ka kari ki pulit wei ya kani ka kari da yah da kawi ka kynthai.
Ki wakreh chnong da ksoh ki ya kani ka kari hadien wa da tyrrah ko ya kawi ka kari kawa pynyieñ ha ka chnong heiwa da chem ki wa ya kani ka kari da yah da ka bru ka wymtoh wakreh ha ka chnat pulit.
Hadien ini da pyntip cha ki pulit ka Laitumkhrah Police Station, kiwa da rah noh ya ka cha Shillong Civil Hospital wow leh yeiwa emkaam.
Da ong wa kani ka bru toh kawa hayung yong uwi u heh pulit ka jylla wa ksoh yei kyrdan DIG, wei ki pulit ynne ka sngi da pyntip ki wa da ujor ya ka FIR pyrchah ya kani ka bru ha Laitumkhrah Police Station wei da pynngat ya ka ha ki kyndon ka IPC wa ka MV Act.
Discussion about this post