Kiwa hayung hasem u (L) Kumno Suklaiñ uwa da chah pynyap haka 20 tarik uni u bnai haka Dong Wah Tyra wa em hapoh chnong Daistong, Elaka Nongkhlieh, East Jaiñtia Hills District, da ong ki wa hadooh kattæ ym pu yoh lut ki pulit wow kem ya kiwa emkti, khamtam ya u Modify Lyngdoh uwa kani ka manyung da pynbaad ko wa emkti lang heini i kaam u khon yong u Darling Huwa wa kiwi kiwi.
Neiliang kiwa hayung hasem da kyntu joor ki ya ka chnat pulit wow kreh chitom ki wow thooh ya kini ki bru khnang wow pynchitom leh katkam ka aiñ.
Chooh chooh kiwa hayung hasem yong u (L) Kumno Suklaiñ da pynche ki leh wa kitu ki san ngut kiwa da em ha kti yong ki pulit toh deiwa wan pyndem ki hakhmat ki pulit ka Saipung, wei ym toh deiwa yoh kem ki pulit yaki, da ong ka kyrwoh wa phah da u Rimon Suklaiñ u payu waheh yong u (L) Kumno Suklaiñ.
Puræ leh: Chah kem uwi wa emkti hei lute wei pynyap bru ha Daistong
Discussion about this post