Neiliang ki 6 Chnong yong ka par Mynrud wa kynthup ya ka chnong Lyrnai, Thadmusem, Nongkhroh wa ka chnong Bamkamar, Lumkya, Kdohkule da e khublei wei sñiawngooh wa khroo ya u MLA ka thaaiñ u Sniawbhalang Dhar uwa man leh u montri yong ka sorkar jylla Meghalaya wa ya u Jesse Suiam, MDC yong ka 6 Ummulong-Moodymmai, kiwa da yarap da u khoo cha kitu ki manyung mansem kiwa ka chnong da jied ko, kiwa emkaam bha yei yarap kam heini i por iwa da khanglaad yaki wow yoh ki u lai mylla nongsngi, khamtam kitu ki manyung kiwa da chem eh sakhait wow pynbiang baam pynbiang dih ha yung ha sem neidaw ka khlam kjut COVID-19 uwa da ktah ya ka pyrthai waroh kawi.
Ki 6 Chnong naka thaaiñ par Mynrud da kitbok wei e ki yei kyrkhu kyrdoh wa kyrpang ya u Blai Tre Kirot wow kyrkhu u ya u MLA wa u MDC ha i chakri yong ki ya ka Constituency ka District wa ya ka jylla waroh kawi.
Ya kani ka khubor da pynlait na u Jimmy Raul Kharmuti wa ki Waheh Chnong yong kini ki 6 Chnong ka par Mynrud.
Discussion about this post