Ka JSU War Jaintia Circle (WJC) wa u Waheh Chnong ka Lamin da ujor ki pyrchah ya uwa yah ya ka ka Ambulance NRHM ha Nongtalang CHC, u Aimon Tariang hadien wa pynwiar u ya u chabi ka Ambulance katwa dang mut pynkit ya uwi u bru wa chitom na Lamin.
Uni uwa kjut toh uwi na kiwa chitom hadien wa baam ki ya u tit.
Da pynbaad wa ha i miet ka 26 tarik katwa dang mut ki wow kit ya uni u bru cha Shillong, u Aimon da pynwiar u ya u chabi ka Ambulance wei da jooh pynwiar chabi u leh nachwa.
Katwa kamtæ dei wym yohsa da kit noh ya uni u bru da ka kari Sumo ki paidbah.
Ini man i katkam ka yutip na u Erickson Khonglah, Sports Secretary ka JSU-WJC uwa man leh u tre chnong ka Lamin wei da pynsakhiat yeini da u Waheh Chnong, u Golden Gashnga.
Heijooh i por ka seiñ da dawa ko wow booh ar ngut kiwa yah ya ka Ambulance ha Nongtalang CHC khnang wow kreh ki hei miet wei sngikatkam ka pali wa da booh ya ki.
Discussion about this post