Ka Dorbar Dong Barato-A wa haap hapoh ka chnong Barato, West Jaiñtia Hills District da pynsñiaw ko yei sñiawngooh wa khroo hadooh kattæ kattæ ya u MLA ka thaaiñ u Nujorki Sungoh uwa smat wow e yei kti yarap ya ki khon ka dong da u khoo ha kam kini ki por wa yakhun pyrchah ya i poor u khñiang khlam COVID-19, iwa da ktah ya kiwa dooh wa duk kiwa chaniah du na i mylla sngi wow yoh baam.
“Ym du ha kam ini i por, u Nujorki Sungoh da yarap u leh chiboon kiyi kiyi kiwa emkaam yong i kam ka dong khamtam nadooh ki Scheme waphær waphær da pynyoh u cha i, da man sakhiat i kyrkhu wa khroo ya i, khamtam i kam ka Dong i dang pynkhreh i yaka KJP Synod Mihngi ha u snem wow wan itæ ha u snem 2021, deilang waka Balang Presbyterian Barato.” Da ong ka Dorbar Dong.
Lyngba ka kyrwoh na u Sarlangki Dkhar u General Secretary Dong Barato-A, da ong, “Kam ka Dong waroh kawi i dap ram i ya i lehbha yong u Nujorki Sungoh, ym em ktien de wow pynsñiaw da kamwi lait not khublei chibooh MLA, wow yoh phi leh ya i kyrkhu kyrdoh deilang wa i duwai wow yoh i doh i pran kawa chait wa khlan wa i chemphang wow e chakri ya ki paidbah.”
Discussion about this post