Khliehriat: U Deputy Commissioner, East Jaiñtia Hills District da pyntip paidbah u wa da chah wow lai 25% ki kari kamai hapoh ka District nadooh ka 4 tarik uni u bnai deiwa leh ya ka Rotation Basis wei u chah wow kit bru ki du 50% neiwa jooh (Seating Capacity). Da chah ya ki kari kamai hapoh ka wow kamai katkam ki kyndon ka aiñ.
Ki kari kamai wa kut (Ending) ki Registration Number 0, 2 wa 4 u chah ya ki u kamai ki du ha ka Dep Sngi Bibar (Monday) waka Dep Sngi Walang (Thursday).
Ki kari kamai wa kut ki Registration Number ending 1,3 wa 5 u chah ha ka Sngi Wa-ar (Tuesday) wa ka Thohdieñ (Friday) katwa ha ka Sngi Walang (Wednesday) wa ka Sngi Choh-that (Saturday) won daw chah du ya ki kari wa kut ki Registration Number da u 6, 7, 8 wa 9.
U Deputy Commissioner da hukum u leh ya waroh kiwa kamai wa kiwa chong kari kamai wow bood ya ki kyndon ka sorkar wow sap mask, wow sait-kti, wow pynemkaam ya ki Sanitizers wow bood ya ki kyndon (Respiratory Etiquette) namo wow tymmoh ktien wa i khmut hawa synrieh wa kyoh, u chah du 50% namo mar chiteiñ wow chong hapoh kari neiwa jooh wei wow sait pynkhooid ya ki kari kamai chwa wei hadien wa kamai.
I dor bai kari u man i katkam wa da booh da ka chnat Transport Department.
Ki Local Taxi u chim ki T. 26 samen neibynta u Kilometer wa nyngkong (1st Km) wa T. 13 man ka kilometre, T. 7 chi minit hawa ksoh ya ka kari.
Neibynta ki kari wa 7 thawchong (Seven Seater Tourist Vehicle) kam ki Sumo, Max, wa kiwi kiwi ka bai chong u man ko T. 2.05 samen chi kilometre wei T. 200 man ka 100 km lada em AC wei lada pynemkaam ya ka (AC), ka bai kari neibynta ki kari wa 5 tawchong kam ki Alto 800, Swift, wa kiwi kiwi u man i T. 18 chi kilometre wei T. 200 man ka 100 Km lada pynemkaam ya ka AC hapoh kari.
Ya kiwa ym bood ya kani ka kyndon daw chah pynchitom ki katkam ki kyndon ka aiñ.
Discussion about this post