Khliehriat: U Deputy Commissioner (Excise), East Jaiñtia Hills District da pyntip paidbah u wa waroh ki dukan dai kiad (Wine Shops) wa ki Bonded Warehouses kiwa da pynthymme ya ka License yong ki neibynta u snem 2020-21 da chah ya ki wow wai nadooh ka 4 tarik uni u bnai nadooh 9:00 waje i step hadooh 4:00 waje i janmiet.
Da hukum leh ya kini ki dukan wow bood ki ya ki kyndon wa booh da ki bor District heiwa du ki Bonded Warehouse wa ki IMFL Retailer u chah ya ki wow wai deiwa bood thij ya ki kyndon ka Social Distancing.
Da phah leh wow pynemkaam ki dukan dai kiad pyn da ki wakreh yong ki hi weiwa u bahkhlieh ki wow pynjngai bru hadooh 6 feet iwi na iwi wei ymtoh wow em palat 5 ngut ki bru ha kawi ka dukan.
Chooh chooh ki dukan dai kiad toh u yaleh ki wow pynduna ya ki wakreh yong ki, u sap ki ya ki Mask wei wow booh ya ki Hand- Sanitizer neibynta kiwa wan thied wa ya ki wakreh heipor wa em ya dai ya thied.
Heijooh i por kini ki dukan toh u wai ki deiwa ya krehlang (Cooperation) wa ki bor District, ki pulit wa ki bru ka chnat Excise.
Discussion about this post