Jowai: Ka Mariaba Khonglah (14 snem) da khlaad ko ha i meit ka 4 tarik heipor 11:30 ha NEIGRIHMS, Shillong hadien i chitom wa ban joor nei baam tit wada jia ha chnong Lamin, West Jaiñtia Hills District.
Ka Mariaba Khonglah dang toh chi payu tre ko wa u Kadilia Khonglah, ka Synran Khonglah wa u Lapynshai Khonglah kiwa khlaad ha chwa yong ka.
Neitæ katkam i pyntip u waheh chnong ka Lamin u Golden Gashnga, ka Fenicia Khonglah (19 snem) won kawi na pyrdi kiwa da chait nei kjut baam tit da li booh biang yaka chei thaw sumar ha i janmiet ka 4 tarik heipor 4:30 hadien wa khai biang i chitom ko deiwa iñ rupai.
Da ong wa ka Fenicia leh dang toh chi payu tre hi ko wa kitai kiwa da khlaad, heiwa ka da yoh mih ko na Jowai Civil Hospital, Ialong haka sngi Saturday 3 tarik hadien wa chait, tangwa ynne ka sngi won hadien wa khai biang i chitom ko da pynkit noh yaka cha Woodland Hospital, Shillong.
Puræ Leh: Yap sa uwi nei baam tit ha Lamin, la 5 ngut kiwa da yap
Discussion about this post