Jowai: Ka dorbar chnong Ladthadlaboh ynne i step da saam khoo ko cha ki 255 tylli ki manyung wa emkaam yarap ha kam kini ki por wa krehkam ka Lockdown neidaw wym yoh de u likhih likhan.
Ya uni u khoo ka chnong da yoh yarap ko 23 churia na ka Dowell Auto, 14 churia na u MDC Brightstar Chyrmang, Catholic Association 5 churia, Shiv Mandir Committee 1 Quintal, Andrew Shullai 10 churia katwa iwa tam won da ya kynchew da ki dkhot ka chnong kamjooh ki Executive Member iwa da poi hadooh kamwa 97 churia tam.
Kiwa yoh myntoi na uni u khoo em ki kamwa 1007 ngut wei i rukom sam won toh 4 kilo samen.
Neiliang u waheh chnong u LD Lakiang pyntip u wa ya uni u khoo da e yarap wot cha kitu wa sahwai hapoh ka chnong.
Heijooh i por chim haroh u ka kabu wow pyntip wa neiliang ka chnong pdiang sñiawbha ko ya kiwon kiwon ki khon ka chnong wa em cha baar wow liwan ki, wei ka chnong da pynkhreh haroh ko i thaw sah yaki ha Indoor Hall.
Neitæ khana haroh u wa heiyatoh wa u COVID-19 ka chnong da dep chna ko yaka Village COVID Management Committee neibhah wa sñiawthooh wa uni u snem man u uwa hap i wow pynkhreh yei lai luti katwa wym tip mynnu u kut ini i kjut.
Da emlang ha kani ka sngi u Alan Ñiangti President Synjuk Waheh Chnong Jowai, u Pyrkhat Shylla Vice President Synjuk Waheh Chnong Jowai.
Discussion about this post