Khliehriat: U District Magistrate, East Jaiñtia Hills District da pynkrehkaam u ya ka Section 144 Cr.PC chirrup wa ka Regulation 3 of the Meghalaya Epidemic Diseases, COVID-19 Regulation, 2020 and Guideline No. 5 (i) na ka sorkar India lyngba ka Ministry of Home Affairs wow khang ya ki kattu katni ki kaam hapoh ka District nadooh 6:00 waje i step hadooh 7:00 waje i miet man ka sngi iwa sdang nadooh ka 4 tarik hadooh wa pynbna da kamwi.
Da khang wow lai na kawi ka District cha kawi tawon kamjooh kiwa wan na kiwi ki jylla, i yalang boon ngut wei wow jngai kamwa 6 phut iwi na iwi deiwa sap leh ya ki Mask, wow tymmoh ktien wei khmut hawa kyoh næ synrieh, wei wow bood ya ki kyndon wa pynmih ka chnat i chait i khiah.
Da khang wow yalang paidbah, ya ki yaw heh wa ki dukan heh namo ki Shopping Complex, da khang wow wai ya ki Cinema Halls, Shopping Malls & Complexes, Gymnasium, Sports Complexes, Swimming Pools, Entertainment Parks, Theatres, Bars & Auditoriums, Assembly Halls, Hotels & Hospitality Services lait na kitu kiwa pynemkaam kam ki Quarantine Facility, da khang wow wai ki Restaurants, Dairy Stalls, Tea and Food Stalls lait na ki Home Delivery, Saloons, Beauty Parlours, Spa wa kiwi ki Rejuvenating Centre.
Da khang ya ki dukan dai ya ki mar wym emkaam kam ki that ki sula, khrop (juti), ki gift item, muna, waje, tiar kyndehke, ki tiar yalehke sport, TV set, refrigerator, washing machine wa ki tiar chet, ki chuki ki miej, thaw sait kari, soor sula wa kiwi kiwi.
Da khang leh ya ki Tent House, ki thaw puræ, thaw esikai kam ki Training Centre wa Coaching Classes (Tuitions) lait na ki Online wa Distance Learning, wow wai ya ki thaw mane blai, i yalang paidbah nadooh ki kaam lehkmen, ki kaam Politics, Sport, niam wow lai cha ki thaw kreh khlem sap mask, u mih ki bru wa da em 65 snem chajrong, kiwa pun-khon, kiwa em hapyrdi i chitom wa boonjait, wa kiwa hapoh 10 snem. Da khang leh wow mynthu ha ki thaw paidbah, wow dih kiad baam kwai, duma, wa kiwi kiwi ha ki thaw paidbah.
Ym chah wow warah thymme kiwa khih mylla cha ki thaw kreh kam hei thaw wa chna wa tei ha ki thaw sor, wei lada pynkreh toh u kreh da kiwa da kreh chwa kiwa da em chwa, ha ki thaw kreh emkaam wow jngai iwi na iwi, wow sap mask, wa kiwi kiwi ki kyndon wa da booh ka sorkar.
Da khang leh yei lai ki kari paidbah kamjooh ki yong ki bru samen lait na kiwa da booh næ yohbor na ka Transport Department. I lai i wan da ki kari samen ha waroh ki C&RD Block ka District toh u bood ki ya ki kyndon ka sorkar.
Ki kari wa lai da chah ya ki wow em arngut kiwa chong wa uwi uwa yah, katwa ki thuk-thuk won uwi uwa chong wa uwi uwa yah katwa ki bus kamai won da chah wow kit ki mar chiteiñ (50%) neiwa jooh.
Ki Dukan Wholesale wa Retail u wai ki katkam wa da booh por wei katkam wa daw pynbna na ki por cha ki por wei ya ki Vehicle Pass neibynta i lai i wan hadpyrdi 6:00 i step hadooh 7:00 i miet won hadooh ka 11 tarik ye u yoh lyngba ka online application.
Ki khlieh yong ki chnat namo ki District Head ye ki wow e pass du neibynta ki kaam donhi (official purpose) ki Joint Secretary, Head of Department, District Head ki chnat u pyntikna ki wa ya ki Pass toh u pynemkaam hok ha ki kaam donhi wei kiwa leh pyrchah daw chah pynchitom ki. Emkaam leh wow booh ya ki pyrtuid, thaw sah, phone number, i por lai pyndep kaam toh u booh ha ki Pass.
I lai hapyrdi ki District wa ki jylla emkaam wow yohbor na ki District Magistrate.
Kani ka hukum da krehkaam ko nadooh wa pynmih ya ka hadooh wa pynbna deiwi tawon.
Discussion about this post